कुराण जाळलं, टिकटॉकवर लाईव्ह स्ट्रिम अन् हत्येचा थरार, सलवान मोमिका कोण?

2023 मध्ये ईदच्या निमित्ताने स्वीडनची राजधानी स्टॉकहोममधील सर्वात मोठ्या मशिदीसमोर मुस्लीम धार्मिक ग्रंथ कुराणच्या प्रती जाळल्याने तो चर्चेत आला होता. त्याच्या या वागण्यामुळे परिसरात तणाव निर्माण झाला होता. मोमिकाचा कुराण जाळण्याचा चिथावणीखोर व्हिडिओ जगभरात व्हायरल झाला होता. या व्हिडीओमुळे अनेक मुस्लीम बांधवांच्या भावना दुखावल्या आणि देशात संपाताची लाट उसळली. या व्हिडीओमुळे खळबळ तर उडालीच पण टीकाही सुरू झाली. काही ठिकाणी तणाव आणि दंगलीचं वातावरण त्यावेळी झालं होतं.

मोमिकाने स्वतःला इराकमधील ख्रिश्चन मिलिशियाचा प्रमुख म्हणून सादर केले होते. त्यांची संघटना इमाम अली ब्रिगेड्स अंतर्गत येते. ही संघटना २०१४ मध्ये स्थापन झाली आणि तिच्यावर युद्ध गुन्ह्यांचा आरोप आहे. 2917 मध्ये इराकी शहर मोसुलच्या बाहेरील भागात सलवान मोमिका याने स्वतःचा सशस्त्र गटही स्थापन केला.