मर्डर करून इंदूरला आली सोनम, बॉयफ्रेंडसोबत एका रुमवर रात्रभर...; मग तिने जे केले, त्यावर विश्वास बसणार नाही

एसआयटी टीमने 7 जून रोजी तीन आरोपींचे प्रोफाईल तपासले असता, सोनम घटनेच्या 10 किलोमीटर आधी तीन आरोपींसोबत दिसली. राजा रघुवंशीची हत्या सोनमच्या समोरच झाली होती. 21 मे रोजी सर्व आरोपी गुवाहाटीला आले होते आणि सोनमच्या 'होम स्टे' जवळच्या हॉटेलमध्ये थांबले होते. 23 मे रोजी हत्या करून ते परतले, तर सोनमही त्याच दिवशी गुवाहाटीहून इंदूरला ट्रेनने परतली. 25 मे रोजी इंदूरला पोहोचल्यावर तिने तिचा प्रियकर राज कुशवाहा याची भेट घेतली आणि एक दिवस इंदूरमध्ये भाड्याच्या खोलीत घालवला. त्यानंतर एका ड्रायव्हरने तिला बनारस येथे सोडले आणि वाराणसीहून सोनम बसने गाझीपूरला गेली. हत्येनंतर सोनम आणि तिचा प्रियकर राज यांच्यात फोनवर बोलणे सुरू होते. ज्यामुळे सोनमवर पोलिसांचा संशय बळावला.