Crime : जग पाहायच्या आधीच यशवंतच्या आयुष्यात अंधार, पहिलीच्या मुलासोबत शिक्षकाचं क्रूर कृत्य

Crime : शिक्षकाने फेकलेली काठी लागल्यामुळे एका सहा वर्षांच्या विद्यार्थ्याच्या डोळ्याची दृष्टी गेली आहे. या घटनेप्रकरणी शिक्षक आणि इतर पाच जणांविरोधात गुन्हा दाखल करण्यात आला आहे. एक वर्षापूर्वी घडलेल्या या घटनेमध्ये आता कारवाई करण्यात आली आहे. मागच्या वर्षी 6 मार्चला चिक्कबल्लापूरमधील चिंतामणी तालुक्यातील एका सरकारी शाळेत हा धक्कादायक प्रकार घडला आहे. पहिलीमध्ये शिकत असलेल्या यशवंतला शिक्षकांनी छडी फेकून मारली, ही छडी त्याच्या उजव्या डोळ्याला लागली आणि त्यात यशवंतला त्याचा डोळा गमवावा लागला आहे.