Try Not to Laugh : तो आला, खिडकीतून आत जाणार तोच... देवाच्या दर्शनाला गेलेल्या कुटुंबियांच्या घरी चोर अडकला, Video पाहून म्हणाल, 'हा देवाचाच चमत्कार'

ही घटना एका अशा कुटुंबाच्या घरी घडली जे घर बंद करून 'खाटू श्याम' यांच्या दर्शनासाठी गेले होते. घर रिकामे असल्याचे पाहून एका चोराला वाटले की आज आपली चांदी होणार. त्याने घरात घुसण्यासाठी मुख्य दरवाजाऐवजी एका खिडकीच्या किंवा भिंतीच्या छोट्या छिद्राचा (होलचा) आधार घेण्याचे ठरवले. मात्र, देवाची भक्ती आणि चोराची शक्ती यात मोठा पेच निर्माण झाल्याचं इथे दिसतंय.

चोराने मोठ्या उत्साहात त्या होलमध्ये डोकं आणि अर्ध शरीर तर घातलं, पण त्याचे शरीर मध्येच अडकून पडलं. त्याने बाहेर निघण्याचा खूप प्रयत्न केला, पण तो त्या छिद्रात असा काही फसला की त्याला हालचाल करणेही कठीण झाले. रडकुंडीला आलेला हा चोर तासनतास त्याच अवस्थेत लटकत राहिला.

या घटनेचा व्हिडीओ सध्या इंटरनेटवर तुफान व्हायरल होत आहे. लोक यावर मजेशीर कमेंट्स करत आहेत. कोणी म्हणतंय, "खाटू श्यामची हीच ती माया", तर कोणी म्हणतंय, "चोरी करण्याआधी जिम लावायला हवी होती" अखेर पोलिसांनी घटनास्थळी पोहोचून त्या 'फसलेल्या' चोराला बाहेर काढलं आणि थेट कोठडीची हवा खायला पाठवले. ही घटना आपल्याला सांगते की, कधी कधी तुमचं नशीब आणि तुमचं शरीर दोन्ही तुमची साथ सोडतात, विशेषतः जेव्हा तुम्ही चुकीच्या मार्गावर असता.

हा चोर तिथे कधीपासून लटकत होता हे काही कळू शकलेलं नाही आणि तो चोर देखील तोंड उघडायला तयार नाही, पोलिस आता या प्रकरणाची चौकशी करत आहेत.