बायकोने घेतली मित्रांची मदत, नवऱ्याला संपवण्यासाठी दिली तब्बल 8 लाखांची सुपारी, हादरवणारी घटना

रोजच्या भांडणाला कंटाळून एका पत्नीने आपल्याच पतीची हत्या करण्यासाठी 3 शूटर्सला 8 लाखांची सुपारी दिली होती. सौदा ठरताच 12 ऑगस्टला सकाळी या शूटर्सने महिलेच्या पतीवर गोळीबार केला. सुदैवाने या गोळीबारात महिलेच्या पतीचा मृत्यू झाला नाही. गोळीबाराची घटना समोर आल्यानंतर पोलीस 15 दिवस आरोपींचा शोध घेत होते. तब्बल 150 सीसीटीव्ही कॅमेरे तपासल्यानंतर जी माहिती समोर आली, त्यामुळे सर्वांनाच धक्का बसला.