Ujjain Rape Case: माणुसकी मेली? 12 वर्षांच्या मुलीवर अत्याचार, दीड तास ती मदतीसाठी भटकत होती, कुणीच आलं नाही मदतीला!

उज्जैन, 27 सप्टेंबर : माणुसकीला काळीमा फासणारी घटना महाकालची नगरी उज्जैन येथून समोर आली आहे. शहरातील महाकाल पोलीस ठाण्याच्या हद्दीत मुरलीपुरा येथे एका अल्पवयीन मुलीवर अत्याचार झाल्याची घटना घडली. पीडित मुलगी बेशुद्धावस्थेत आढळून आली. ती नीट बोलताही येत नव्हतं. कपड्यातून रक्त वाहत होते. उज्जैनच्या संवरखेडी कॉलनीत ही मुलगी तब्बल अडीच तास रक्ताच्या थारोळ्यात पडून रस्त्यावर भटकत राहिली. मात्र, तिच्या मदतीसाठी कोणीही पुढे आले नाही, असे सांगण्यात येत आहे. या तरुणीने कॉलनीतील एका घराबाहेर उभ्या असलेल्या तरुणाकडेही मदत मागितली, मात्र तरुणाने मदत केली नाही. महाकाल पोलीस स्टेशनला मिळालेल्या या तरुणीच्या फुटेजमध्ये ती अर्धनग्न अवस्थेत रस्त्यावर मदत मागताना दिसत आहे. पोलिसांनी या प्रकरणाचा तपास सुरू केला असून आरोपींचा शोध सुरू आहे. उत्तर प्रदेश पोलिसांशीही संपर्क साधण्यात आला आहे.