प्रेम केलं, संबंध ठेवले अन् गरदोर राहिली, पुढे 2 नवजात बाळांची हत्या केली, बाॅयफ्रेंडने उघड केला कांड!

या दोघांविरोधात खून आणि कट रचल्याचा गुन्हा दाखल करण्यात आला आहे. भाविन आणि अनिशा यांच्यातील वादामुळे हे प्रकरण समोर आले. रविवारी पहाटे भाविन आपल्या मुलांच्या हाडांसह पुथुक्काड पोलीस ठाण्यात पोहोचला. त्याने अधिकाऱ्यांना सांगितले की, त्याने आपली मैत्रीण अनिशापासून जन्माला आलेल्या मुलांची हत्या करून त्यांना पुरले होते.

भाविनने खुलासा केला की, पहिल्या जन्माचे बाळ 6 नोव्हेंबर 2021 रोजी महिलेच्या घरी पुरण्यात आले होते आणि दुसरे बाळ 29 ऑगस्ट 2024 रोजी पुथुक्काड येथे पुरण्यात आले होते. दुसऱ्या बाळाची हत्या केल्यानंतर, त्याने ते कपड्यात गुंडाळून शौचालयात ठेवले. 30 ऑगस्ट रोजी मृतदेह एका पिशवीत टाकून भाविनच्या आईच्या घरी नेण्यात आला आणि शेतात पुरण्यात आला. चार महिन्यांनंतर दुसऱ्या बाळाची कबर उघडण्यात आली आणि हाडे बाहेर काढण्यात आली. एफआयआरमध्ये असेही म्हटले आहे की, पहिल्या बाळाची हाडे 8 महिन्यांनंतर काढण्यात आली होती.

भाविनने सांगितले की, त्याने विधींसाठी मुलांची हाडे ठेवली होती. अनिशाने संबंधातून बाहेर पडण्याचा प्रयत्न केल्यानंतर दोघांमध्ये समस्या निर्माण झाल्या. यानंतर, दुसऱ्या दिवशी दोघांमध्ये मोठा वाद झाला. त्यानंतर भाविन पोलीस ठाण्यात गेला आणि त्याने हा खुलासा केला. पोलिसांनी यापूर्वीच दुसऱ्या नवजात बाळाची हत्या झाल्याची पुष्टी केली होती. महिलेने सांगितले होते की, पहिले बाळ गर्भात असताना नाळेभोवती गुंडाळल्याने मरण पावले. मात्र, पोलिसांनी एफआयआरमध्ये स्पष्ट केले आहे की, अनिशाने स्वतःच दोन्ही नवजात बाळांची हत्या केली होती.