WhatsApp वर आलं लग्नाचं Invitation? चुकूनही उघडू नका, एका क्लिकमध्ये खाली होईल तुमचं बँक अकाउंट

मुंबई : लग्नाचा सीजन आला की WhatsApp वर इन्विटेशन कार्ड यायला सुरुवात होते. आधी लोक घरी येऊन लग्नाची पत्रिका पाठवायचे. पण आता मात्र जमाना डिजिटल झाला आहे. त्यामुळे लोक WhatsApp किंवा सोशल मीडियावर आपल्या जवळच्या लोकांना पत्रिका देऊ लागले आहेत. आता ही लग्नाचा सिजन सुरु झाला आहे. त्यामुळे तु्म्हाला जवळचे किंवा लांबच्या नातेवाईकांची देखील पत्रिका आली आहे. नंबर आपल्या ओळखीचे असतील तर ठिक आहे पण अनोळखी नंबरवरुन तु्म्हाला लग्नाचं आमंत्रण आलं आणि तुम्ही त्या व्यक्तीला ओळखत नसला आणि त्याने पाठवलेली पत्रिका तुम्ही उघडली तर मात्र ही धोक्याची घंटा ठरु शकते.