साताऱ्यात चाललंय काय? 2 मिनिटांत 3 चोरट्यांनी केला कांड, माॅर्निंग वाॅकवेळी महिलेसोबत घडली धक्कादायक घटना! 

पोलिसांकडून मिळालेली माहिती अशी की, सौ. वंदना प्रशांत शिंगटे (वय-47, रा. फाॅरेस्ट काॅलनी, विलासपूर, सातारा) या काॅलनीत महिलांसोबत माॅर्निंग वाॅकला गेलेल्या होत्या. माॅर्निंग वाॅक झाल्यानंतर त्या घरी परतत होत्या. तेवढ्यात दुचाकीवरून 3 चोरटे तोंडाला स्कार्प बांधून आले आणि वंदना यांना थांबवलं. त्यांना कोयत्याचा धाक दाखवून धमकावले आणि त्यांच्या गळ्यातील 2 तोळ्यांचे मंगळसूत्र हिसकावून नेले.

घटनेवेळी काही महिलांनी चोरट्यांना प्रतिक्रार करण्याचा प्रयत्न केला. पण, चोरट्यांना हातातील धारदार शस्त्र दाखवून धमकावले आणि तेथून दुचाकीवर बसून पळून गेले. अवघ्या काही 2 मिनिटांत हा धक्कादायक प्रकार घटला. महिलांनी आरडाओरड केली. नागरिक जमा झाले. पण चोरट्यांनी नागरिक गोळा होण्याच्या आता धूम ठोकली. यासंदर्भात सातारा पोलीस ठाण्यात वंदना यांनी चोरट्यांविरुद्ध फिर्याद दिली आहे. पोलीस त्यांचा शोध घेत आहेत.