भानगड सांगणं पडलं महागात! महिलेला फरफटत नेत झिंज्या धरून मारहाण; महसूल सहायकासह 9 जणांवर गुन्हा

सातारा : एका शासकीय कार्यालयातील महिलेचे महसूल सहाय्यकासोबत 'संबंध' असल्याची माहिती एका त्रयस्थ महिलेने त्या महिलेच्या पतीला फोनवरून दिली. यानंतर मोठा गोंधळ निर्माण झाला. याच रागातून माहिती देणाऱ्या महिलेला फरफटत नेऊन, झिंज्या धरून मारहाण करण्यात आली, ज्यात ती जखमी झाली. या प्रकरणी सातारा शहर पोलीस ठाण्यात महसूल सहायकासह त्याच्या कुटुंबातील एकूण 9 जणांवर गुन्हा दाखल झाला आहे. ही घटना 3 ऑगस्ट रोजी गोडोली परिसरात घडली.