कोल्हापूर हादरलं! पैशांवरून झाला वाद, पत्नी सांगेना कर्जाचा हिशोब, पतीने काढला चाकू आणि चिरला गळा

कोल्हापूर : कोल्हापुरात एका फौंड्री कामगाराने पत्नीचा गळा दाबून आणि नंतर चाकूने गळा चिरून निर्घृण खून केल्याची धक्कादायक घटना घडली आहे. पत्नीने घेतलेले हातउसने पैसे आणि मुलांच्या नावावर काढलेल्या कर्जावरून झालेल्या वादातून हा प्रकार घडल्याचे समोर आले आहे. मंगळवारी (दि. 5) मध्यरात्री साडेबाराच्या सुमारास आपटेनगर येथील राहत्या घरी ही घटना घडली. आरोपीचे नाव परशराम पांडुरंग पाटील (वय-44) असून, त्याने आपली पत्नी अस्मिता (वय-42) हिचा खून केल्याचा आरोप आहे. विशेष म्हणजे, परशरामने स्वतःच 112 नंबरवर पोलिसांना फोन करून खुनाची माहिती दिल्यानंतर त्याला अटक करण्यात आली.