'विरोश'च्या रिसेप्शनला लागलं गालबोट? गेटवरच झाली धक्काबुक्की; बाउंसर्सने थेट उचलून बाहेर काढलं, नेमकं काय घडलं?

हैदराबाद : दाक्षिणात्य सिनेसृष्टीतील पॉवर कपल रश्मिका मंदाना आणि विजय देवरकोंडा यांच्या लग्नाची धामधूम अजूनही सुरू आहे. २६ फेब्रुवारीला उदयपूरमध्ये लग्नगाठ बांधल्यानंतर, काल ४ मार्च रोजी हैदराबादमध्ये या जोडीने एक ग्रँड रिसेप्शन पार्टी दिली. या सोहळ्याला दाक्षिणात्य सिनेसृष्टीतील दिग्गजांची मांदियाळी होती. याच गर्दीचा फायदा घेऊन एका अज्ञाताने या हाय-प्रोफाइल लग्नात घुसखोरी करण्याचा प्रयत्न केला. मात्र, त्याचं नशीब इतकं फुटकं की बाउंसरच्या नजरेतून तो सुटू शकला नाही आणि त्याला तिथून मान खाली घालून बाहेर पडावं लागलं.