अक्षय कुमार वर्ल्ड रेकॉर्ड तोडणार नाही, फोडणार! 13 हजार कोटी कमाई करणाऱ्या हॉलिवूड फिल्मचा विक्रम मोडणार

मुंबई : अभिनेता अक्षय कुमार आणि अरशद वारसी यांच्या अफलातून केमिस्ट्रीने प्रेक्षकांना खळखळून हसायला भाग पाडणारा चित्रपट 'जॉली एलएलबी ३' बॉक्स ऑफिसवर सध्या धीमी पण दमदार कमाई करत आहे. रिलीज होऊन २९ दिवस उलटले असले तरी, प्रेक्षक अजूनही हा सिनेमा पाहण्यासाठी चित्रपटगृहांमध्ये गर्दी करत आहेत. या चित्रपटासमोर आता फक्त चार दिवसांचा अवधी शिल्लक आहे आणि याच वेळेत तो जगभरात हजारो कोटी कमावलेल्या एका जबरदस्त हॉलिवूड चित्रपटाचा भारतातील रेकॉर्ड मोडू शकतो.