Animal Review : अ‍ॅनिमल खरंच अ‍ॅनिमल आहे का? हिंदी सिनेमांचा ठरेल का माईलस्टोन?

मुंबई, 01 डिसेंबर :  करवा चौथचा दिवस आहे. बायको दिवसभर उपाशी आहे. रात्री उशिरा आलेला नवऱ्याचा चेहरा बघून उपवास सोडायचा आहे. आणि चंद्राच्या साक्षीनं चेहरा बघतांना तो नवरा बायकोला सांगतो माझे दुसऱ्या बाईसोबत संबंध आहेत. असे सिन्स अशा सिच्युएशन ज्या तुम्ही इमॅजीन केल्या नसतील. अशा अकल्पनीय प्रसंगांनी खचाखच भरलेला सिनेमा म्हणजे अ‍ॅनिमल.

कबीर सिंग बघून तुम्ही डिस्टर्ब झाला असाल तर अ‍ॅनिमल बघून तुमची शुद्ध हरवू शकते. तुम्हाला कबिर सिंग टॉक्झिक वाटत असेल तर कबिर सिंग अ‍ॅनिमलचा फक्त ट्रेलर आहे. हिंदी सिनेमात तुम्ही याआधी जे बघितलं नाही. ते सर्वं संदीप रेड्डी बेधडक,बेपर्दा दाखवतो. जे डायलॉग्ज ऐकले नाही अशा डायलॉग्जची रीघ लावतो. नात्यात-समाजात जे घडतं. पण आपल्याला बघायच नाही, ऐकायच नाही, दिसलं तर मान फिरवायची आहे. ते सगळं अ‍ॅनिमल तुमच्या तोड्यांवर फेकून मारत. असा सिनेमा याआधी आला नाही. अ‍ॅनिमलमल हिंदी सिनेमाचा माईलस्टोन आहे. नवे वाद हा सिनेमा सुरू करणार आहे.