'बंदिनी', 'हॅलो इन्सपेक्टर'च्या पडद्यामागचा हिरो हरपला, वयाच्या 78 व्या वर्षी घेतला अखेरचा श्वास

Anil Kalelkar : 'बंदिनी', 'हॅलो इन्सपेक्टर' अशा अनेर सुपरहिट मालिकांचा पडद्यामागचा हिरो हरपला आहे. वयाच्या 78 व्या वर्षी ज्येष्ठ लेखक अनिल मधुसूदन कालेलकर यांनी अखेरचा श्वास घेतला. 11 डिसेंबर 2025 रोजी सकाळी मुंबईतील लीलावती रुग्णालयात अल्पशा आजाराने त्यांचे दु:खद निधन झाले आहे. अनिल मधुसूदन कालेलकर यांचा जन्म ७ फेब्रुवारी १९४७ रोजी बांद्रा येथे झाला. प्राथमिक शिक्षण दादरमधील छबीलदास हायस्कूलमध्ये, तर पुढील शिक्षण नॅशनल कॉलेज, बांद्रा येथे झाले. ते अविवाहित होते. अनिल कालेलकर यांनी आपली भाची गौरी कालेलकर चौधरीसोबत 'मधुसूदन कालेलकर प्रोडक्शन'ची स्थापना केली. अनिल कालेलकर हे अनेक वर्ष बांद्रा येथील साहित्य सहवालमध्ये वास्तव्याला होते. अनिल कालेलकर यांच्या निधनाने मराठी मनोरंजनसृष्टीसह चाहत्यांना मोठा धक्का बसला आहे.