'तुम्ही म्हणाल ही जादू, पण...' गौतम वैष्णव जे करते ते पाहून व्हाल थक्क

पुणे : प्रत्येक व्यक्तीकडे एखादी ना एखादी कला दडलेली असते. परंतु त्या कलेला योग्य दिशा, सातत्य आणि निसर्गाशी असलेले नाते मिळाले तर ती एक वेगळीच ओळख निर्माण करू शकते. पुण्यातील सहकारनगर परिसरात राहणारे गौतम वैष्णव हे असेच एक नाव. निसर्गाच्या सान्निध्यात दगडांच्या समतोलातून आकर्षक शिल्पनिर्मिती करणारी त्यांची रॉक बॅलन्सिंग ही कला आज देशभरात लोकप्रिय झाली आहे. या कलेला भारतात मोठ्या प्रमाणावर पोहोचविण्यात गौतम यांचा मोठा वाटा असून, अनेकांना मानसिक स्थैर्याचा आणि निसर्गाशी बंध दृढ करण्याचा नवा मार्ग त्यांनी दाखवला आहे.