Bigg Boss 19 मधून या दोन स्पर्धकांचा पत्ता कट! शारीरिक हिंसाचार करणं पडलं महागात

Bigg Boss 19 : 'बिग बॉस 19'ला लवकरच या पर्वाचा विजेता मिळणार आहे. फक्त एका आठवड्यात या पर्वाचा ग्रँड फिनाले पार पडणार आहे. आता 'बिग बॉस 19'च्या TOP 6 स्पर्धकांची नावे समोर आली आहेत. काही दिवसांपूर्वी कुनिका सदानंदचा बिग बॉसचा प्रवास संपला होता. आता या वीकेंडला अशनूर कौर बाहेर जाणार असल्याची चर्चा आहे. नुकताच 'बिग बॉस 19'चा नवा प्रोमो समोर आला आहे. या प्रोमोमध्ये सलमान खान अशनूर कौरची शाळा घेताना दिसत आहे. एका टास्कदरम्यान अशनूरने तान्या मित्तलसोबत गैरवर्तन केलं होतं. 'बिग बॉस 19'च्या घरात अशनूर नियमांचं उल्लंघन करताना दिसली. त्यामुळे या वीकेंडला सलमानने तिला चांगलच सुनावलं आहे. तसेच अशनूर कौरचा प्रवास संपल्याची हिंटदेखील प्रोमोमध्ये मिळत आहे. शारीरिक हिंसाचार करणं अशनूरला महागात पडलं आहे. तसेच या आठवड्यात आणखी एका सदस्याचा प्रवास संपणार आहे.