'सैयारा'च्या गदारोळात 'महावतार नरसिम्हा'चा डंका! आता OTT वर घालणार धुमाकूळ, रिलीज डेट काय?

Published by:Pratiksha Pednekar

Last Updated:Aug 04, 2025 6:46 PM IST

Mahavatar Narsimha OTT Release : २० कोटी रुपयांच्या बजेटमध्ये बनलेल्या 'महावतार नरसिम्हा' या ॲनिमेटेड चित्रपटाने आतापर्यंत १०० कोटी रुपयांचा जबरदस्त गल्ला जमवला आहे.

मुंबई : थरार, ॲक्शन आणि पौराणिक कथा यांचा अनुभव देणारा चित्रपट 'महावतार नरसिम्हा' सध्या बॉक्स ऑफिसवर धुमाकूळ घालत आहे. २० कोटी रुपयांच्या बजेटमध्ये बनलेल्या या ॲनिमेटेड चित्रपटाने आतापर्यंत १०० कोटी रुपयांचा जबरदस्त गल्ला जमवला आहे. पण थिएटरमध्ये न पाहू शकलेल्या प्रेक्षकांना आता याची उत्सुकता आहे की, हा चित्रपट OTT वर कधी येणार? आता याबद्दल एक मोठी अपडेट समोर आली आहे.

चित्रपट व्यापार विश्लेषक रोहित जयस्वाल यांनी नुकतीच एक महत्त्वाची माहिती दिली आहे. त्यांच्या मते, 'महावतार नरसिम्हा'चा हिंदी व्हर्जन जिओ हॉटस्टारवर येण्याची ५० टक्के शक्यता आहे. पण हा चित्रपट फक्त हिंदीतच नाही, तर इतर भाषांमध्ये ही वेगवेगळ्या प्लॅटफॉर्मवर रिलीज होण्याची शक्यता आहे.

'मला बेशुद्ध करून...' अवघ्या 16 व्या वर्षी अभिनेत्रीसोबत घडला भयानक प्रकार, रस्त्यावर काढली रात्र

रोहित जयस्वाल यांनी सांगितलं की, "हा चित्रपट होम्बले फिल्म्सने बनवला असल्यामुळे तो जिओ हॉटस्टारवर येण्याची ५० टक्के शक्यता आहे." होम्बले फिल्म्सचे मागील चित्रपट, जसे की प्रभासचा 'सलार' आणि 'राजकुमारा'चे हिंदी व्हर्जन याच प्लॅटफॉर्मवर रिलीज झाले होते. त्यामुळे 'महावतार नरसिम्हा'सुद्धा तिथेच येण्याची शक्यता जास्त आहे.

'महावतार नरसिम्हा' OTT वर कधी येणार?

सध्या 'महावतार नरसिम्हा' चित्रपटगृहांमध्ये चांगली कमाई करत आहे, त्यामुळे तो लगेचच ओटीटीवर रिलीज होणार नाही. रोहित जयस्वाल यांच्या मते, चित्रपटगृहांमधील कमाई किती काळ सुरू राहते, यावर त्याची ओटीटी रिलीजची तारीख ठरेल. पण अंदाजानुसार, हा चित्रपट ऑगस्ट किंवा सप्टेंबर २०२५ च्या शेवटी ओटीटीवर येऊ शकतो. त्यामुळे चाहत्यांना थोडी वाट पाहावी लागेल.

'महावतार नरसिम्हा' हा चित्रपट अश्विन कुमार यांनी दिग्दर्शित केला असून हिंदी व्हर्जनमध्ये आदित्य राज शर्मा, हरिप्रिया मट्टा आणि संकेत जयस्वाल यांनी दमदार आवाज दिला आहे. या चित्रपटाने IMDb वर ९.५ रेटिंग मिळवून प्रेक्षकांची मनं जिंकली आहेत. त्यामुळे हा चित्रपट ओटीटीवर आल्यावर आणखी धमाल करेल अशी अपेक्षा आहे.

view comments