Team India : रोहितला ट्रॉफी जिंकवून दिली, अन् करिअर संपलं! वर्ल्ड कप टीममधून गायब झाले 7 खेळाडू

7 फेब्रुवारीपासून भारत आणि श्रीलंकेमध्ये टी-20 वर्ल्ड कपला सुरूवात होत आहे. याआधी 2024 चा वर्ल्ड कप टीम इंडियाने रोहित शर्माच्या नेतृत्वात जिंकला होता.

टी-20 वर्ल्ड कपमध्ये विजय मिळवल्यानंतर पुढच्या 2 वर्षांमध्ये टीम इंडियाने एकही टी-20 सीरिज गमावली नाही, त्यामुळे यंदाच्या टी-20 वर्ल्ड कपमध्येही टीम इंडिया विजयाची प्रमुख दावेदार आहे.

2024 चा टी-20 वर्ल्ड कप जिंकलेल्या टीमचे 7 खेळाडू हे यंदाच्या टी-20 वर्ल्ड कपमध्ये खेळताना दिसणार नाहीत. यातल्या काही खेळाडूंनी टी-20 क्रिकेटमधून निवृत्ती घेतली आहे, तर काहींना पुन्हा टी-20 क्रिकेटमध्ये संधी मिळणं कठीण झालं आहे.

2024 चा टी-20 वर्ल्ड कप जिंकल्यानंतर पुढच्या काही मिनिटांमध्येच रोहित शर्मा, विराट कोहली आणि रवींद्र जडेजा यांनी आंतरराष्ट्रीय टी-20 क्रिकेटमधून निवृत्तीची घोषणा केली.

2024 च्या टी-20 वर्ल्ड कपमध्ये ऋषभ पंत भारताचा विकेट कीपर होता. 8 सामन्यांमध्ये पंतने 24.42 ची सरासरी आणि 127.61 च्या स्ट्राईक रेटने 171 रन केल्या. पण 2026 च्या टी-20 वर्ल्ड कपमध्ये पंतला टीम इंडियामध्ये स्थान मिळालं नाही.

2024 च्या टी-20 वर्ल्ड कपमध्ये विराट कोहली आणि रोहित शर्मा ओपनिंगला खेळले, त्यामुळे यशस्वी जयस्वालला एकही सामना खेळण्याची संधी मिळाली नाही, आता 2026 च्या टी-20 वर्ल्ड कपमधून जयस्वाल टीम बाहेर झाला आहे.

मोहम्मद सिराज 2024 टी-20 वर्ल्ड कपच्या ग्रुप स्टेजमध्ये 3 मॅच खेळला, ज्यात त्याला फक्त 1 विकेट मिळाली. यानंतर उरलेल्या सामन्यांमध्ये सिराज ऐवजी कुलदीपला संधी मिळाली. आता 2026 च्या टी-20 वर्ल्ड कप टीममधून सिराजला डच्चू देण्यात आला आहे.

यशस्वी जयस्वालप्रमाणेच लेग स्पिनर युझवेंद्र चहलही 2024 च्या टी-20 वर्ल्ड कपमध्ये एकही मॅच खेळला नाही. आता या टी-20 वर्ल्ड कपमध्ये तर युझवेंद्र चहलची टीम इंडियामध्येही निवड झालेली नाही.