पुण्यात बापाचाच मुलावर गोळीबाराचा कट! पिस्तूल पुरवणारा आरोपी अटकेत; 75 लाखांच्या सुपारी प्रकरणाचा गुंता सुटला

पुणे: कौटुंबिक वादातून पोटच्या मुलाची हत्या करण्यासाठी ७५ लाखांची सुपारी दिल्याचा धक्कादायक प्रकार पुण्यात घडला होता. या हाय-प्रोफाईल गुन्ह्यात वापरण्यासाठी पिस्तूल पुरवणारा सराईत गुन्हेगार आता पोलिसांच्या जाळ्यात अडकला आहे. नीलेश श्रीकांत गायकवाड (वय २४, रा. पिसोळी) याला खंडणीविरोधी पथकाने पिसोळी परिसरातून अटक केली आहे. गेल्या अनेक दिवसांपासून तो पोलिसांना हुलकावणी देत होता.