Shahrukh Khan : पहिल्यांदाच भाड्याच्या घरात दिवाळी साजरी करतोय किंग खान! गौरीचा फोटो शेअर करत म्हणाला...

शाहरुख खानने आपल्या अधिकृत सोशल मीडिया अकाउंटवर एक खास फोटो शेअर केला आहे, जो दिवाळी पूजेच्या वेळचा आहे. या फोटोत गौरी खान पूजा करताना दिसत आहेत. शाहरुखने हा फोटो मागून क्लिक केला आहे.

या पूजेच्या फोटोसोबत शाहरुखने एक प्रेमळ कॅप्शनही लिहिले आहे. त्याने म्हटले आहे की, "तुम्हा सर्वांना दिवाळीच्या खूप खूप शुभेच्छा! माता लक्ष्मी तुम्हाला समृद्धी आणि आनंद देवो. सगळ्यांसाठी प्रेम, प्रकाश आणि शांतता लाभो, ही सदिच्छा."

शाहरुखच्या या पोस्टवर चाहते भरभरून प्रतिक्रिया देत आहेत. अनेक लोकांना शाहरुखचा हा सर्वधर्मसमभावाचा खास अंदाज खूप आवडला आहे.

दरवर्षी शाहरुखच्या 'मन्नत' बंगल्यात बॉलिवूडसाठी मोठी दिवाळी पार्टी होते. पण यावर्षी मन्नतचे रेनोव्हेशनचे काम सुरू असल्याने शाहरुख आणि त्याचे कुटुंब सध्या एका भाड्याच्या घरात शिफ्ट झाले आहेत. त्यामुळे यंदाची दिवाळी पार्टी त्यांनी टाळली. म्हणूनच, त्यांनी नव्या तात्पुरत्या घरात अत्यंत साध्या पद्धतीने दिवाळी पूजा केली, मिठाई वाटली आणि दीवा लावून सण साजरा केला.

दरम्यान, शाहरुख लवकरच आपली मुलगी सुहाना खानसोबत 'किंग' चित्रपटात दिसणार आहे. या अॅक्शन-पॅक चित्रपटात दीपिका पादुकोणही महत्त्वपूर्ण भूमिकेत असेल.