Salman Khan : 'मी कोणाचं करिअर खाल्लं?', 'गुंड' म्हणणाऱ्या दिग्दर्शकावर संतापला सलमान खान, दिलं सणसणीत उत्तर
- Published by:Pratiksha Pednekar
Last Updated:
Salman Khan Controversy : 'दबंग' चित्रपटाचे दिग्दर्शक अभिनव कश्यपने नुकतंच सलमानवर अनेक गंभीर आरोप केले होते. बिग बॉस १९ मध्ये सलमान खानने या आरोपांना उत्तर दिलं आहे.
मुंबई : बॉलिवूडचा भाईजान सलमान खान नेहमीच त्याच्या चित्रपटांपेक्षा त्याच्या वादग्रस्त विधानांमुळे चर्चेत असतो. पण, यावेळी त्याने त्याच्यावर नेहमीच होणाऱ्या एका मोठ्या आरोपाला थेट उत्तर दिलं आहे. अनेकांचं म्हणणं आहे की, सलमानने बॉलिवूडमध्ये अनेकांचं करिअर संपवलं आहे. बिग बॉस १९ च्या ‘विकेंड का वार’मध्ये त्याने यावर स्पष्टीकरण दिलं आहे.
करिअर देणारा वरचा देव असतो!
शोमध्ये शहनाज गिल स्टेजवर आली, तेव्हा तिने तिच्या भावाला शहबाजला घरात पाठवण्यासाठी सलमानला विनंती केली. त्याचवेळी तिने सलमानचं कौतुक करत म्हटलं की, “सर, तुम्ही खूप लोकांचं करिअर बनवलं आहे.” यावर सलमानने लगेच तिला थांबवत म्हटलं, “मी कुठे कोणाचं करिअर बनवलं आहे? करिअर बनवणारा फक्त वरचा देव असतो.”
advertisement
त्यानंतर, सलमानने थेट त्याच्यावर होणाऱ्या आरोपांवर उत्तर दिलं. तो म्हणाला, “माझ्यावर हा आरोपही केला जातो की, मी अनेकांचं करिअर बुडवलं आहे. पण, कोणाचं करिअर बुडवणं माझ्या हातात नाही. आजकाल तर हे बोललं जातं की, सलमान सगळ्यांचं करिअर खाऊन टाकेल. अरे, मी कोणाचं करिअर खाल्लं आहे? आणि जर मला खायचं असेल, तर मी आधी माझंच करिअर खाईन.”
advertisement
सलमान एक गुंडा आहे!
सलमानच्या या वक्तव्यामागे एक मोठं कारण आहे. 'दबंग' चित्रपटाचे दिग्दर्शक अभिनव कश्यपने नुकतंच सलमानवर अनेक गंभीर आरोप केले होते. अभिनव म्हणाला होता, “सलमान कामात अजिबात लक्ष देत नाही. त्याला अभिनयात रस नाही. त्याला फक्त त्याच्या ‘सेलिब्रिटी पॉवर’चा आनंद घ्यायला आवडतो. तो एक गुंडा आहे.”
अभिनवने पुढे म्हटलं की, “सलमान खान बॉलिवूडच्या स्टार सिस्टीमचा जनक आहे. तो एका फिल्मी कुटुंबातून येतो आणि हीच मंडळी सगळं कंट्रोल करतात. जर तुम्ही त्यांचं ऐकलं नाही, तर ते तुमच्या मागे लागतात.” सलमानचं हे स्पष्टीकरण अभिनवच्या आरोपांना दिलेलं उत्तर मानलं जात आहे.
Location :
Mumbai,Maharashtra
First Published :
September 08, 2025 3:59 PM IST
मराठी बातम्या/मनोरंजन/
Salman Khan : 'मी कोणाचं करिअर खाल्लं?', 'गुंड' म्हणणाऱ्या दिग्दर्शकावर संतापला सलमान खान, दिलं सणसणीत उत्तर
