'धुरंदर: द रिव्हेंज'च्या सुरुवातीला रितेश वेड लावणार, धमन्यांमधून रक्त खवळणार; तो मोस्ट अवेटेड सिनेमा कोणता?

मुंबई: आदित्य धर दिग्दर्शित, 'धुरंदर: द रिव्हेंज' चित्रपटाची प्रेक्षकांना कमालीची उत्सुकता लागून राहिली आहे. अखेर उद्या हा बहुप्रतिक्षित चित्रपट बॉक्स ऑफिसवर रिलीज होणार आहे. पण चित्रपट रिलीजसोबतच प्रेक्षकांना आणखी एक जबरदस्त सरप्राईज मिळणार आहे. ते म्हणजे, 'धुरंदर: द रिव्हेंज'च्या सुरूवातीला रितेश देशमुखच्या 'राजा शिवाजी'चा टीझर प्रेक्षकांना पाहायला मिळणार आहे. 18 मार्चला अर्थात आज 'धुरंदर: द रिव्हेंज' चित्रपट पेड प्रिव्ह्यूज रिलीज होणार आहे. आजपासूनच प्रेक्षकांना 'राजा शिवाजी'चा टीझर थिएटरमध्ये पाहायला मिळणार आहे. सिल्वर स्क्रीनवरच प्रेक्षकांना 'राजा शिवाजी'चा टीझर अनुभवता येणार आहे.