Trending:

माजी मुख्यमंत्र्याच्या सुनेला मराठी सिनेमाची भुरळ, प्रिया-उमेशसाठी शेअर केली स्पेशल पोस्ट, म्हणाली...

Published by:Pratiksha Pednekar

Last Updated:September 17, 2025 6:29 PM IST

अनेक कलाकारांनी उमेश कामत आणि प्रिया बापटच्या ‘बिन लग्नाची गोष्ट’चं कौतुक केलं आहे, पण एका खास व्यक्तीने केलेल्या कौतुकामुळे प्रिया आणि उमेश दोघेही खूप खुश झाले आहेत.

इम्पॅक्ट शॉटतुमचा गेटवे लेटेस्ट न्यूज

मुंबई : मराठी चित्रपटसृष्टीतील सर्वात लाडकी जोडी म्हणून ओळखले जाणारे अभिनेते उमेश कामत आणि अभिनेत्री प्रिया बापट सध्या त्यांच्या ‘बिन लग्नाची गोष्ट’ या चित्रपटामुळे खूप चर्चेत आहेत. १२ सप्टेंबर रोजी प्रदर्शित झालेल्या या चित्रपटाला प्रेक्षकांकडून खूप चांगला प्रतिसाद मिळत आहे. अनेक कलाकारांनी या चित्रपटाचं कौतुक केलं आहे, पण एका खास व्यक्तीने केलेल्या कौतुकामुळे प्रिया आणि उमेश दोघेही खूप खुश झाले आहेत.

जिनिलीया देशमुख झाली फिदा!

ही खास व्यक्ती दुसरी कोणी नसून अभिनेत्री जिनिलीया देशमुख आहे. प्रिया आणि उमेशचा सिनेमा सध्या तुफान चर्चेत आहे. अशातच जिनिलीयाने ‘बिन लग्नाची गोष्ट’ चित्रपटासाठी एक खास पोस्ट शेअर केली आहे आणि तिने प्रिया बापटच्या गाण्याचं खूप कौतुक केलं आहे, जे सध्या चर्चेचा विषय बनला आहे.

Miss India Pageant : निळे डोळे, गोरा रंग, तरीही सुश्मिता सेनसमोर कशी हरली ऐश्वर्या राय? समोर आलं धक्कादायक कारण

जिनिलीयाने चित्रपटाचं पोस्टर शेअर करत लिहिलं, “तुमच्या नुकत्याच प्रदर्शित झालेल्या ‘बिन लग्नाची गोष्ट’ या मराठी सिनेमासाठी तुमचं खूप-खूप अभिनंदन! तुमच्या सिनेमाला सध्या खूप उत्तम प्रतिसाद मिळतोय आणि हे पाहून मला खूपच आनंद झालाय.”

पण, जिनिलीया इथेच थांबली नाही. तिने पुढे लिहिलं, “सर्वात महत्त्वाचं म्हणजे, प्रिया तू गायलेलं गाणं किती सुंदर आहे, मला खूप आवडलं. तुम्ही सुद्धा हा सिनेमा नक्की पाहा.” जिनिलीयाने प्रिया आणि उमेशला टॅग करत त्यांना शुभेच्छा दिल्या.

प्रिया-उमेशने मानले आभार!

जिनिलीयाने कौतुक केलेल्या या गाण्याचं नाव ‘पण या ईगोचं करायचं काय…’ असं आहे. हे गाणं प्रियाने ज्येष्ठ अभिनेत्री भारती आचरेकर यांच्यासोबत गायलं आहे. जिनिलीयाची ही पोस्ट पाहून प्रिया आणि उमेश दोघेही खूप आनंदी झाले. त्यांनी जिनिलीयाला खास आभार मानले आणि त्यांच्या शुभेच्छांमुळे खूप आनंद झाला असल्याचंही त्यांनी सांगितलं.