तलवारीवर लटकता मृतदेह, मुलगा आईला...; 'देवरा'च्या त्या सीनवर रिलीज आधीच कात्री

मुंबई : सुपरस्टार ज्युनियर एनटीआर, जान्हवी कपूर आणि सैफ अली खान यांच्या बहुप्रतिक्षित 'देवरा - पार्ट 1' या चित्रपटाचा ट्रेलर दोन दिवसांपूर्वी लाँच करण्यात आला. या ट्रेलरला प्रेक्षकांचा सकारात्मक प्रतिसाद मिळाला आहे. हा चित्रपट 27 सप्टेंबर रोजी जगभरात प्रदर्शित होणार आहे. चित्रपटाचे दिग्दर्शन कोरटाला सिवा यांनी केले आहे. चित्रपटाला मिळालेल्या सकारात्मक प्रतिसादामुळे निर्माते आणि कलाकार खूप खूश आहेत, पण काहीशी निराशाही होईल. CBFC ने त्यात 4 कट लावले आहेत. यातील तीन कट हे हिंसाचाराशी संबंधित आहेत आणि चौथा कट सीजीआयशी संबंधित आहे. CBFC चे कथित प्रमाणपत्रही सोशल मीडियावर व्हायरल होत आहे.