'जिसको समझना है वो समझ लेंगे', हिंदीत बोलायला सांगताच काजोल चिडली; राज्य पुरस्कार सोहळ्यात नेमकं काय घडलं? VIDEO

मुंबई : बॉलिवूडची दिलखुलास अभिनेत्री काजोलसाठी 5 ऑगस्टचा दिवस अत्यंत खास ठरला. काजोलला तिच्या बर्थडे दिवशी तिच्या चित्रपट क्षेत्रातील विशेष योगदानासाठी राज्य शासनाकडून राज कपूर विशेष योगदान पुरस्काराने सन्मानित करण्यात आलं. काजोल तिची आई अभिनेत्री तनुजाबरोबर हा पुरस्कार स्वीकारण्यासाठी गेली होती. पुरस्कार स्वीकारल्यानंतर काजोलनं मराठीतून प्रेक्षकांशी संवाद साधला. सगळ्यांचे आभार मानले. पण जेव्हा हिंदीत बोल असं सांगितलं तेव्हा काजोलनं तिच्या स्टाइलनं उत्तर दिलं. काजोलचा व्हिडीओ सध्या सोशल मीडियावर व्हायरल होतोय.