Trending:

KBC 16ला मिळाला पहिला करोडपती! कोण आहे 22 वर्षांचा चंद्रप्रकाश?

Published by:Minal Gurav

Last Updated:September 26, 2024 1:51 PM IST

केबीसी 16चा पहिला करोडपती बनणारा चंद्रप्रकाश आहे तरी कोण? एक कोटी रुपये जिंकवून देणारा त्याचा प्रश्न तरी काय होता?

मुंबई : 'कौन बनेगा करोडपती'चा सोळावा सीझन सुरू आहे. या सिझनच्या पहिल्या करोडपतीची प्रेक्षकांना अनेक दिवसांपासून प्रतीक्षा होती. अखेर 'केबीसी 16' पहिला करोडपती मिळाला. 25 सप्टेंबरच्या एपिसोडमध्ये चंद्रप्रकाश हा करोडपती झाला. एक कोटींच्या प्रश्नाचं योग्य उत्तर देऊन त्याने 7 कोटींच्या प्रश्नाकडेही झेप घेतली. मात्र, उत्तर देण्याआधीच माघार घेतली. करोडपती बनणारा चंद्रप्रकाश आहे तरी कोण? एक कोटी रुपये जिंकवून देणारा त्याचा प्रश्न तरी काय होता?

'केबीसी 16'चा पहिला करोडपती चंद्रप्रकाश हा 22 वर्षांचा असून जम्मू-काश्मीर येथे राहणारा आहे. तो UPSC एस्पिरंट आहे. त्याचा इथपर्यंत पोहोचण्याचा प्रवास अनेक कठीण प्रसंगांनी भरलेला आहे. त्याची कहाणी अनेकांसाठी प्रेरणादायी ठरेल. चंद्रप्रकाश याला जन्मत: आतड्यांसंबंधित आजार आहेत. तसेच अनेक शारीरिक समस्यांनाही तो तोंड देत आहे. त्यावर आतापर्यंत 7 सर्जरी करण्यात आल्या आहेत. आजही तो आतड्यांसंबंधित आजाराचा सामना करतोय. डॉक्टरांनी त्याला आठवी सर्जरी करण्याचा सल्ला दिला आहे.

(Oops मोमेंटची शिकार झाली अशी तरी...; रॅम्पवॉकवर ड्रेस फाटल्यानंतर अभिनेत्रीने काय केलं तुम्हीच पाहा, VIDEO)

काय होता 1 कोटीचा प्रश्न?

दकोणत्या देशाचे सर्वात मोठे शहर राजधानी नसून बंदर आहे? त्याच्या अरबी नावाचा अर्थ 'शांती निवास' असा आहे.

A. सोमालिया B. ओमान C. तंजानिया D. ब्रुनेई

या प्रश्नाचं उत्तर देण्यासाठी चंद्रप्रकाश याने डबल डिप लाइफलाइन वापरली आणि 'तंजानिया' हे योग्य उत्तर दिले. या प्रश्नाचे उत्तर देत चंद्रप्रकाश करोडपती झाला.