'खुसपटं काढायची गरज नाही', पुण्यात 'मनाचे श्लोक' चित्रपटाचा शो बंद पाडला; प्रिया बापट संतापली, म्हणाली...

मुंबई : राष्ट्रसंत श्री समर्थ रामदास स्वामींच्या 'मनाचे श्लोक' या पवित्र शीर्षकावरून मराठी चित्रपटसृष्टीत सध्या मोठं वादळ उठले आहे. 'लिव्ह-इन' संबंधांवर आधारित या चित्रपटाला हिंदु जनजागृती समितीने धार्मिक भावना दुखावल्याचा आरोप करत विरोध केला होता. मुंबई उच्च न्यायालयाने या चित्रपटाच्या प्रदर्शनाला स्थगिती देण्यास नकार दिला असला तरी, पुण्यामध्ये मात्र या वादाने आक्रमक रुप घेतल्याचं पाहायला मिळालं. गुरुवारी संध्याकाळी कोथरूडमधील एका थिएटरमध्ये 'मनाचे श्लोक'चा प्रिमीयर शो सुरू होताच, हिंदुत्ववादी संघटनांनी थेट थिएटरमध्ये धडक मारून शो जबरदस्तीने बंद पाडला आणि आज पुण्यातील सर्व शो बंद ठेवण्यात आले.