Dashavatar Movie : 'त्यांना हॅट्स ऑफ...!', राज ठाकरेंच्या पत्नीलाही दशावतारची भुरळ, कौतुक करत म्हणाल्या, 'दिलीप काका...'

मुंबई : सध्या मराठी चित्रपटसृष्टीत केवळ एकाच चित्रपटाची चर्चा आहे, आणि तो चित्रपट आहे दिलीप प्रभावळकर यांचा ‘दशावतार’. हा चित्रपट प्रदर्शित झाल्यापासूनच प्रेक्षकांची मने जिंकत आहे. केवळ कलाकारच नाही, तर आता राजकीय नेतेही हा चित्रपट पाहण्याचं आवाहन करत आहेत. नुकतंच मनसे अध्यक्ष राज ठाकरे यांनी या चित्रपटाचं कौतुक केलं होतं, आणि आता त्यांच्या पत्नी शर्मिला ठाकरे यांनीही हीच प्रतिक्रिया दिली आहे.