sandeep maheshwari : मोटिव्हेशनल स्पीकर संदीप माहेश्वरी भडकला Carry Minati वर, नेमकं काय घडलं?

प्रख्यात यू-ट्यूबर कॅरी मिनाटीने त्याच्या खास विनोदी शैलीत मोटिव्हेशनल स्पीकर्सचं विडंबन केलं आहे. त्याचा व्हिडिओ सोशल मीडियावर शेअर करण्यात आला आहे. या व्हिडिओला मोटिव्हेशनल स्पीकर पॅरडी, कॅरी मिनाटी असं टायटल देण्यात आलं आहे. मोटिव्हेशनल स्पीकर्स सामान्यतः ज्या शब्दांचा वापर करून लोकांना प्रेरणा देतो, अशा शब्दांचा, वाक्प्रचारांचा वापर विनोदी शैलीत केल्याचं या विडंबनात्मक व्हिडिओत पाहायला मिळतं.

व्हिडिओच्या सुरुवातीला कॅरी मिनाटी 'कोणतीही कारणं नकोत, पुढाकार घ्या, तुमच्या आवडीचं अनुसरण करा' अशी परिचित वाक्यं वापरतो. सुरुवातीला तो प्रेरक बोलणार असं प्रेक्षकांना वाटतं; पण व्हिडिओ जसजसा पुढे जातो, तसं कॅरी मिनाटी कोणतंही प्रेरक भाषण देत नसून, मोटिव्हेशनल स्पीकर्सच्या शैलीचं विडंबन करत आहेत असं दिसतं. तो विडंबनात्मक शैलीतून मोटिव्हेशनल स्पीकर्सचे वाभाडे काढताना दिसतो. या वेळी कॅरी रणवीर अल्लाबाडिया, संदीप माहेश्वरी यांच्या शैलीवर विडंबन करताना पाहायला मिळतं. या व्हिडिओवर संदीप माहेश्वरीसह नेटिझन्सनी कमेंट्स केल्या आहेत. काही नेटिझन्सनी कॅरीच्या बाजूने, तर काहींनी विरोधात कमेंट्स केल्याचं पाहायला मिळतं.

या संपूर्ण व्हिडिओत कॅरी मिनाटी वारंवार विविध विषयांचा अभ्यास करा असं सांगताना प्रेरक वक्ता बनवण्याच्या साधेपणापासून ते विंझो प्लॅटफॉर्मवर गेमिंगचे फायदे सांगण्यापर्यंत, तसंच स्कॅम कॉल हातळण्याच्या महत्त्वावर जोर देतो. तसंच तो श्रोत्यांसोबतचे प्रेरक वक्त्यांचे संवाद विडंबनात्मक शैलीत मांडतो. हा व्हिडिओ नेटिझन्सचं चांगलं मनोरंजन करणारा आहे.

कॅरी मिनाटीने रणवीर अल्लाबाडियाचं विडंबन केलं तेव्हा रणवीर अतिशय कूल होता. तो शांत राहिला, त्याने या विडंबनावर काहीही प्रतिक्रिया दिली नाही. दुसरीकडे, संदीप माहेश्वरीने मात्र कॅरीच्या या विडंबनावर तिखट शब्दात कमेंट केली. तो आनंदी नसल्याचं स्पष्टपणे दिसत होतं. कमेंट करताना संदीपने लिहिलं आहे, की 'माझं विडंबन केलंस ते ठीक आहे; पण माझ्या ऑडियन्सला वावगं बोललास, ते स्वीकारार्ह नाही. त्यामुळे निराशा झाली आहे.' नेटिझन्सकडूनही कॅरीच्या व्हिडिओवर संमिश्र कमेंट्स पाहायला मिळत आहेत. काही जण संदीप माहेश्वरींना हा व्हिडिओ गंमत म्हणून घ्या असं सुचवत आहेत.