Aishwarya Divorce : 'खूप ऐकून घेतलं, आता बस्स...'; घटस्फोटाच्या वावड्यांमुळे वैतागली ऐश्वर्या, अखेर काय ते सांगूनच टाकलं

मुंबई: टीव्ही अभिनेत्री ऐश्वर्या शर्मा आणि पती नील भट्ट यांच्या घटस्फोटाच्या आणि वेगळे राहण्याच्या अफवा गेल्या काही महिन्यांपासून सोशल मीडियावर जोरदार चर्चेत आहेत. अनेक दिवसांपासून हे जोडपे सार्वजनिक ठिकाणी एकत्र न दिसल्याने, चाहत्यांनी त्यांच्यात काहीतरी बिनसले असल्याचा अंदाज लावला होता. अखेर या चर्चांना पूर्णविराम देण्यासाठी ऐश्वर्या शर्माने थेट इन्स्टाग्राम स्टोरीद्वारे ट्रोलर्सना खडे बोल सुनावले आहेत. ऐश्वर्या शर्माने १७ नोव्हेंबर रोजी आपल्या सोशल मीडिया पोस्टमध्ये तिच्याबद्दल पसरलेल्या अफवा पूर्णपणे खोट्या असल्याचे सांगितले.