Nitin Desai Funeral : अलविदा एनडी! कला दिग्दर्शक नितीन देसाई अनंतात विलीन; शेवटच्या इच्छेनुसार कर्मभूमीत अंत्यसंस्कार

मुंबई, 04 ऑगस्ट : सुप्रसिद्ध कला दिग्दर्शक नितीन चंद्रकांत देसाई यांच्या 2 ऑगस्ट रोजी मृत्यू झाला. नितीन देसाई यांच्या पार्थिवार आज कर्जत येथील त्यांच्या एनडी स्टुडिओमध्ये त्यांच्यावर अंत्यसंस्कार करण्यात आले.महाराष्ट्र पोलिसांकडून नितीन देसाई यांना आदरांजली आणि मानवंदना देण्यात आली. नितीन देसाई यांनी एनडी स्टुडिओमध्ये गळफास घेत आपलं आयुष्य संपवलं. आर्थिक विवंचनेतून त्यांनी स्वत:ला संपवण्याचा निर्णय घेतला. आत्महत्या करण्याआधी त्यांनी माझे अंत्यसंस्कार एनडी स्टुडिओत केले जावेत अशी शेवटची इच्छा एका चिठ्ठीमध्ये लिहून ठेवली होती. त्यानुसार नितीन देसाईंवर एनडी स्टुडिओमध्ये अंत्यसंस्कार करण्यात आलेत. नितीन देसाई यांच्या मृत्यूपश्चात त्यांच्या पत्नी, आई, दोन मुली, एक मुलगा असा परिवार आहे. त्यांच्या निधनानं संपूर्ण देसाई कुटुंब आणि नातेवाईंकांना मोठा धक्का बसला आहे. नितीन देसाई यांच्या जाण्यानं भारतीय सिनेसृष्टीत कधीच न भरून येणारी पोकळी निर्माण झाली आहे.