'स्वराज्यरक्षक संभाजी'नंतर प्राजक्ता गायकवाडचा नवा ऐतिहासिक सिनेमा, पहिलं पोस्टर लाँच

मुंबई, 07 ऑक्टोबर : टेलिव्हिजनवर मधल्या काळात अनेक ऐतिहासिक मालिका प्रेक्षकांच्या भेटील आल्या. आताही काही मालिका सुरू आहेत. यातील फार कमी मालिका प्रेक्षकांच्या पसंतीस पडल्या. यातील एक मालिका म्हणजे 'स्वराज्यरक्षक संभाजी'. छत्रपती संभाजी महाराजांच्या आयुष्यावर आधारित या मालिकेनं प्रेक्षकांच्या मनावर राज्य केलं. मालिकेतील प्रत्येक पात्र हिट झाली. अभिनेते डॉ. अमोल कोल्हे यांनी साकारलेले छत्रपती संभाजी महाराज असोत, शंतनु मोघेंही साकारलेले छत्रपती शिवाजी महाराज असोत किंवा संभाजी महाराजांच्या पत्नीची भुमिका साकारलेल्या येसूबाई म्हणजे अभिनेत्री प्राजक्ता गायकवाड असो. सगळ्या पात्रांनी प्रेक्षकांच्या मनावर राज्य केलं. दरम्यान अभिनेत्री प्राजक्ता गायकवाडला येसूबाईंच्या भुमिकेमुळे प्रेक्षकांचं खूप प्रेम मिळालं. 'स्वराज्यरक्षक संभाजी' मालिकेनंतर प्राजक्ता आता आणखी एका ऐतिहासिक कलाकृतीमध्ये दिसणार आहे.