Pranit More : लोकांना ट्रोल करणारा प्रणित मोरे Bigg Boss 19च्या घरात ढसाढसा रडला, कारण काय?

मुंबई : प्रसिद्ध स्टँडअप कॉमेडीयन प्रणित मोरे सध्या बिग बॉस 19च्या घरात आहे. बिग बॉस 19मध्ये असणारा तो एकमेवर मराठी माणूस आहे. या शोमध्ये गेल्यापासून प्रणित चर्चेत आहे. प्रणित घरात चांगला खेळ खेळताना दिसतोय. अनेक हिंदी सेलिब्रेटींसमोर प्रणित पुरून उरतोय. प्रणितची उत्तर देण्याची स्टाइल सगळ्यांना आवडतेय. स्टँड अप कॉमेडी करत असताना प्रणित मोरेनं अनेकांना ट्रोल केलं आहे.त्याने अगदी सलमान खानलाही सोडलं नाही. पण बिग बॉसच्या घरात आल्यानंतर सगळंच बदललं आहे. बाहेर लोकांचा ट्रोल करणारा प्रणित मोरे बिग बॉस 19च्या घरात ढसाढसा रडताना दिसला. प्रणितचा व्हिडीओ सोशल मीडियावर व्हायरल होत आहे. असं काय झालं ज्यामुळे प्रणितला बिग बॉसच्या घरात ओक्शाबोक्शी रडू आलं.