इंडस्ट्रीमध्ये आणखी एक Divorce? Bigg Boss फेम कपलमध्ये बाळाच्या जन्मानंतर वाढली भांडणं

युविकाचा व्लॉग पाहिल्यानंतर प्रिन्स नाराज झाला आणि त्याने तिचे नाव न घेता इंस्टा स्टोरीवर शेअर केली. प्रिन्सची ही पोस्ट केवळ युविकासाठीच होती असे चाहत्यांना वाटते. त्याने नाव न घेता युविकावर खोटे बोलल्याचा आरोप केला आहे. प्रिन्स नरुलाने त्याच्या इंस्टाग्राम स्टोरीवर एक पोस्ट शेअर केली, ज्यामध्ये तो युविकाचे नाव न घेता तिला लक्ष्य करताना दिसला. तिचे नाव न घेता, त्याने कमेंट केली की, ''काही लोक निर्दोष दिसण्यासाठी त्यांच्या व्लॉगमध्ये खोटे सांगतात, तर जे गप्प राहतात त्यांना चुकीचे मानले जाते.''

आपल्या इंस्टाग्राम स्टोरीमध्ये प्रिन्सने लिहिले- 'काही लोक व्लॉग्समध्ये खोटे बोलून खरे बनतात. आणि काही लोक गप्प राहिल्यामुळे चुकीचे ठरतात. या युगात नात्यांपेक्षा व्लॉग्स अधिक महत्त्वाचे आहेत.' यासोबतच प्रिन्सने जया किशोरीचा एक व्हिडिओही शेअर केला आहे, ज्यामध्ये चूक कोणाचीही असो, मानसिक शांतीसाठी गप्प राहण्याचा सल्ला देण्यात आला आहे. यावर कमेंट करताना प्रिन्स म्हणाला, 'अगदी खरे आहे.'

मुलीच्या जन्मानंतर युविका आईकडे राहायला गेल्यानंतर या दाम्पत्यामध्ये तणाव निर्माण झाला. युविकाच्या या निर्णयानंतर प्रिंस मुलीच्या जन्माच्या वेळी युविकासोबत नसल्यावरून सोशल मीडियावर प्रिंसला ट्रोल करायला सुरुवात झाली. दरम्यान, प्रिन्सने एक व्लॉग शेअर केला, ज्यामध्ये त्याने सांगितले की युविकाने त्याला डिलिव्हरीच्या तारखेबद्दल सांगितले नव्हते, त्याला याची माहिती दुसऱ्यांकडून मिळाली. तो म्हणाला- 'याआधी मला मुल कधी होणार आहे, हे मला माहीतही नव्हते, मी पुण्यात शूटिंग करत होतो. अचानक मला कोणाकडून तरी कळलं की आज डिलिव्हरी आहे. माझ्यासाठी एक सरप्राईज होतं. कसले सरप्राईज आहे हे मला माहीत नव्हतं. थोडं विचित्र वाटत होतं, म्हणून मी लगेचच आलो. इथे आल्यावर मी माझ्या आई-वडिलांना फोन केला, तर त्यांनाही राग आला.'

युविका चौधरी आणि प्रिन्स नरुला यांचे २०१८ साली लग्न झाले होते. लग्नाच्या सहा वर्षांनंतर हे जोडपे आई-वडील झाले, मात्र युविकाने बाळ झाल्यानंतर थेट आईच्या घरी जाण्याचा निर्णय घेतला होता. तिला ४५ दिवस आईच्या घरी रहायचे होते आणि यामुळे प्रिन्स नरुला खूप ट्रोल झाला.