रितेश देशमुखने पुन्हा एकदा जिंकलं मन! नदीत बुडून मृत्यू पावलेल्या डान्सरच्या कुटुंबाला मिळवून दिली आर्थिक मदत

मुंबई : सातारा शहराला लागून असलेल्या संगम माहुली येथे काही दिवसांपूर्वी अभिनेता-दिग्दर्शक रितेश देशमुखच्या महत्त्वाकांक्षी 'राजा शिवाजी' चित्रपटाचे चित्रीकरण सुरू असताना, एक अत्यंत दुर्दैवी घटना घडली होती. या चित्रपटाच्या शूटिंगसाठी आलेल्या सौरभ शर्मा नावाच्या एका तरुण ज्युनिअर आर्टिस्टचा कृष्णा नदीत बुडून मृत्यू झाला होता. या घटनेनंतर रितेशने सौरभच्या कुटुंबाला आर्थिक मदतीचा जो शब्द दिला होता, तो त्याने पूर्ण करत आपली माणुसकी दाखवून दिली आहे.