Rajinikanth : नाद करा पण थलायवाचा कुठं! हात जोडून नमस्कार, फ्लाइंग किस; रजनीकांतने चाहत्यांना दिल्या दिवाळीच्या शुभेच्छा

Rajinikanth Diwali Celebration with Fans : सुपरस्टार रजनीकांतने दिवाळीचा पहिला दिवस आपल्या लाडक्या चाहत्यांसोबत साजरा केला. रजनीकांतला शुभेच्छा देण्यासाठी त्यांच्या चेन्नईतील पोएस गार्डनर येथील घराबाहेर चाहत्यांनी गर्दी केली होती. यावेळी रजनीकांतने चाहत्यांचा प्रेमाचा त्यांच्या शुभेच्छांचा आनंदाने स्वीकार केला. रजनीकांत घराबाहेर आले आणि त्यांनी फ्लाइंग किस देत चाहत्यांना शुभेच्छा दिल्या. तसेच चाहत्यांनी दिलेल्या भेटवस्तूंचाही स्वीकार केला. सोशल मीडियावर रजनीकांतचा व्हिडीओ तुफान व्हायरल होत आहे. रजनीकांतची एक झलक पाहण्यासाठी वेडे झालेल्या चाहत्यांचा आनंद या व्हिडीओमध्ये स्पष्ट दिसत आहे. यावेळी रजनीकांत आपल्या पारंपारिक पोशाखात दिसून आले. पांढऱ्या रंगाचा कुर्ता आणि लुंगी असा त्यांचा लूक होता. यावेळी त्यांनी हात जोडून चाहत्यांना केलेला नमस्कार आणि फ्लाइंग किसने सर्वांचं लक्ष वेधून घेतलं.