रश्मिका, तृप्तीचं नाही तर रणबीरनं चक्क बॉबी देओललाही केलं किस; आता OTT वर दिसणार दोघांचा तो सीन?

मुंबई, 18 डिसेंबर : संदीप रेड्डी वंगाच्या 'अ‍ॅनिमल'चा बॉक्स ऑफिसवर अजूनही दबदबा कायम आहे. रणबीर कपूर आणि बॉबी देओलच्या या सिनेमानं देशभरात अक्षरशः धुमाकूळ घातला. थिएटरमध्ये चक्क तीन तास चाललेल्या या चित्रपटाचं ओटीटी व्हर्जन अजून धमाकेदार असल्याचं बोललं जात आहे. ओटीटीवर 'अ‍ॅनिमल'चा कालावधी जास्त असेल अशा बातम्या आल्या होत्या. सुमारे चार तासांचा चित्रपट असू शकतो. तसेच चित्रपटात थिएटरमध्ये न दाखवले गेलेले काही वादग्रस्त सीन ओटीटीवर पाहायला मिळतील असं सांगण्यात येत आहे. या चित्रपटात बॉबी देओल आणि रणबीर कपूरमध्ये कट्टर दुश्मनी दाखवली असली तरी शेवटी या दोघांचा एक किसिंग सिन शूट करण्यात आल्याची माहिती बॉबीने दिली होती. पण शेवटच्या क्षणी हा सीन चित्रपटातून काढून टाकण्यात आला. पण आता ओटीटीवर हा सीन दिसणार का याविषयी माहिती समोर आली आहे.