अमेय खोपकरांनी झापलं, 'रणपति शिवराय' सिनेमाबाबत निर्मात्यांचा मोठा निर्णय, रिलीज डेट बदलली

येत्या 31 जानेवारी रोजी रणपति शिवराय स्वारी आग्रा आणि पुन्हा एकदा साडे माडे तीन असे दोन मराठी सिनेमे रिलीज होणार होते. दोन्ही सिनेमांच्या रिलीज डेटवरून निर्मात्यांमध्ये चांगलाच गदारोळ निर्माण झाला होता. पुन्हा एकदा साडे माडे तीनचे निर्माते अमेय खोपकर यांनी रणपति शिवराय स्वारी आग्राचे दिग्दर्शक दिग्पाल लांजेकर यांच्यावर भर कार्यक्रमात टीका केली होती. हे असंच सुरू राहिलं तर बायकॉट करू असं ते म्हणाले होते. दरम्यान अमेय खोपकर यांनी झापल्यानंतर रणपति शिवराय स्वारी आग्रा या सिनेमाच्या निर्मात्यांनी मोठा निर्णय घेतला. 31 जानेवारी ऐवजी सिनेमाची नवीन रिलीज डेट जाहिर करण्यात आली आहे.