मोठ्या पडद्यावरील ' छोटा श्याम' हरपला, अभिनेते माधव वझे यांचे निधन, मराठी चित्रपटसृष्टीत शोककळा

मुंबई : 'श्यामची आई' हा लोकप्रिय मराठी सिनेमा गाजवणारा छोटा श्याम आठवतोय? प्रसिद्ध अभिनेते माधव वझे यांनी श्याम ही भूमिका साकारली होती. ही भूमिका अजरामर करणारे अभिनेते माधव वझे यांनी जगाचा निरोप घेतला. वयाच्या 86व्या वर्षी त्यांचं निधन झालं. श्यामची आई या सिनेमातून त्यांनी त्यांच्या अभिनयाची सुरुवात केली होती. त्यांच्या निधनाने मराठी सिनेसृष्टीत कधीही न भरून निघणारी पोकळी निर्माण झाली आहे.