‘झापूक झुपूक’चं शूटिंग डन, सूरज चव्हाणची हिरोईन कोण? अखेर 'बच्चा'चा चेहरा समोर आलाच

मुंबई : मराठी सिनेसृष्टीत बहुप्रतिक्षित सिनेमा म्हणजे झापुक झुपूक. ‘बिग बॉस मराठी 5’ चा विजेता सूरज चव्हाण याच्या आयुष्यावर आधारित ‘झापूक झुपूक’ या सिनेमाचं चित्रीकरण नुकतंच पूर्ण झालं.  प्रसिद्ध दिग्दर्शक केदार शिंदे यांनी त्यांच्या इन्स्टाग्रामवर एक खास व्हिडीओ शेअर केला आहे.  हा सिनेमा सूरजच्या प्रेरणादायी प्रवासावर प्रकाश टाकणार असून, चाहत्यांमध्ये याबाबत उत्सुकता शिगेला पोहोचली आहे. सिनेमात सूरजची प्रमुख हिरोईन कोण असणार याकडे सर्वांचं लक्ष होतं अखेर सूरजच्या हिरोईनचा चेहरा देखील सर्वांसमोर आला आहे. केदार शिंदे यांनी शेअर केलेल्या व्हिडीओमध्ये सूरजची बच्चा पाहायला मिळतेय. टेलिव्हिजन गाजवणारी प्रसिद्ध अभिनेत्री सूरज चव्हाणची हिरोईन असेल असा अंदाज या व्हिडीओवरून लावण्यात येत आहे.