नव्या सिनेमात विनोदाची जुनी जादू! अशोक-वंदना यांच्या 'अशी ही जमवा-जमवीचा' फर्स्ट लुक

मुंबई : चित्रपट आणि प्रेमकथा यांचे एक वेगळेचं नातं आहे. प्रेमाची अशीच एक नवी व्याख्या लवकरच आपल्याला अनुभवायला मिळणार आहे. राजकमल एंटरटेनमेंट प्रस्तुत, लोकेश गुप्ते लिखित आणि दिग्दर्शित, अशोक सराफ आणि वंदना गुप्ते यांच्या प्रमुख भूमिका असलेला "अशी ही जमवा जमवी" हा नवा मराठी चित्रपट लवकरच प्रेक्षकांच्या भेटीला येणार आहे. या चित्रपटाची घोषणा काही दिवसांपूर्वीच करण्यात आली होती आणि आता या चित्रपटाचे पहिले पोस्टर प्रदर्शित करण्यात आले आहे. या चित्रपटात नवीन आणि जुन्या कलाकारांचा सुरेख मिलाफ पाहायला मिळणार आहे. चित्रपटाचे पोस्टर पाहून प्रेक्षकांमध्ये उत्सुकता निर्माण झाली आहे.