Trending:

तेजश्री प्रधानचं एक Sorry अन् जिंकली सगळ्यांची मनं, रेड कार्पेटवर ग्लॅमर गर्लसोबत काय घडलं?

Published by:Minal Gurav

Last Updated:November 29, 2025 2:46 PM IST

Tejashri Pradhan Video : अभिनेत्री तेजश्री प्रधान नेहमीच चर्चेत असते. तिचं बोलणं सगळ्यांना आवडतं. पण तेजश्री प्रधानचं एक सॉरी देखील चाहत्यांना आवडलं आहे. ती का सॉरी म्हणाली? आणि त्यासाठी तिचं कौतुक का होतंय?

इम्पॅक्ट शॉटतुमचा गेटवे लेटेस्ट न्यूज

अभिनेत्री तेजश्री प्रधान एकीकडे 'वीण दोघांतली ही तुटेना' या मालिकेत काम करतेय. तर दुसरीकडे ती तिच्या नव्या वेब सीरिजच्या शूटींगमध्येही बिझी आहे. अशातच तेजश्रीचा नवा कोरा सिनेमा नुकताच प्रेक्षकांच्या भेटीला आला आहे. 'असा मी अशी मी' असं सिनेमाचं नाव आहे. 28 नोव्हेंबर 2025 रोजी हा सिनेमा संपू्र्ण महाराष्ट्रात रिलीज झाला आहे. या सिनेमाच्या निमित्तानं तेजश्रीचा एक व्हिडीओ समोर आला आहे. या व्हिडीओनं प्रेक्षकांची मनं जिंकली आहे.

'असा मी तशी मी' या सिनेमाचा नुकताच प्रीमियर सोहळा पार पडला. या प्रीमियर सोहळ्याला सिनेमाची संपूर्ण टीम उपस्थित होती. सिनेसृष्टीतील अनेक मोठी कलाकार मंडळीही आली होती. अभिनेत्री काजोल आणि तिची आई तनुजा यांनीही सिनेमाच्या प्रीमियरला स्पेशल हजेरी लावली होती. या प्रीमियर सोहळ्यात तेजश्री प्रधानचा ग्लॅमरस अंदाज पाहायला मिळाला.

( तेजश्री प्रधानचा 62 वर्षाच्या अभिनेत्यासोबत रोमान्स, 1 मिनिटं 56 सेकंदाला बेडरूम सीन, VIDEO )

'असा मी तशी मी' या सिनेमाच्या प्रीमियर सोहळ्याला तेजश्रीच्या एका कृतीनं सगळ्यांची मनं जिंकली. 'एक ही तो दिल है... कितनी बार जितोगी', असं म्हणत चाहत्यांनी तेजश्रीचं कौतुक केलं आहे. तेजश्रीनं असं केलं तरी काय?

View this post on Instagram

A post shared by Batamiwala (@marathi_batamiwala)

तेजश्री प्रधान प्रीमियर दरम्यान पापाराझींना फोटो पोझ देण्यासाठी आली. ती फोटो देण्यासाठी उभी राहिली तोच तिचा फोन वाजला. फोटो काढत असताना तेजश्री मध्येच थांबली आणि पापाराझींना म्हणाली, 'ए एक मिनिट हा. मला उचलायला लागेल. एकच मिनिट. सॉरी'. त्यानंतर तेजश्री फोन उचलते, पटकन बोलते आणि फोन ठेवून देते. फोन ठेवताच पुन्हा पापाराझींना सॉरी बोलून फोटोसाठी उभी राहते आणि गोड स्माइल देते.

तेजश्री प्रधानच्या या नम्रपणानं सगळ्यांचं लक्ष वेधलं आहे. चाहत्यांनी तिचं कौतुक केलं. चाहत्यांनी कौतुक करत लिहिलंय, "ग्लॅमर मिळालं तरी तेजश्री प्रधान संस्कार विसरल्या नाहीत… रेड कार्पेटवर शूटिंगदरम्यान महत्त्वाचा कॉल घेतल्यावर कॅमेरामनना नम्रपणे सॉरी म्हणत त्यांनी दिलदारपणा जपला"

view comments