गरिबांना वाटले जातील का 300 कोटी रुपये, ईडीने जप्त केलेल्या पैशांचं पुढे काय होतं?

सहसा ईडी ही संस्था प्रिव्हेन्शन ऑफ मनी लाँडरिंग ॲक्टअंतर्गत (पीएमएलए) कारवाई करते. या वर्षी जानेवारी महिन्यात ईडीने दिल्ली-एनसीआर, चंडीगड, हरियाणा, पंजाब आणि गुजरातमध्ये 19 ठिकाणी छापे टाकले होते. ही सर्व प्रकरणं मनी लाँडरिंगशी संबंधित होती. या कारवायांमध्ये ईडीने 1.3 कोटी रुपयांची रोकड जप्त केली होती. ईडीने जप्त केलेले हे पैसे कुठे जातात, याबाबत अनेकांना माहिती नाही. नियमांनुसार, ईडीने कारवाईदरम्यान जप्त केलेली रोकड कायमस्वरूपी स्वतःकडे ठेवता येत नाही. प्रोटोकॉलनुसार, एजन्सी जेव्हा पैसे जप्त करते, तेव्हा ती अगोदर आरोपीला आपली बाजू मांडण्याची आणि इतके पैसे कोठून आले हे सांगण्याची संधी देते.