ना प्रेम, ना शरीर संबंध... तरीही आहे 'हे' लग्न! विकसित देशांमध्ये वाढूल लागलाय लग्नाचा 'हा' नवा ट्रेंड

जपानमध्ये घटणाऱ्या विवाहांचं सर्वात मोठं कारण म्हणजे, तिथे मुलं कमी आहेत. जपानमधील प्रत्येक 100 मुलांपैकी काही मोजकीच मुलं लग्नाच्या बंधनाबाहेर जन्मतात. याचा अर्थ ही मुलं पारंपरिक विवाहित पालकांच्या घरी जन्माला येत नाहीत. यासाठी एक नवीन ट्रेंड सुरू झाला आहे. ज्याला लोकं फ्रेंडशिप मॅरेज म्हणतात. होय, यशस्वी विवाहाचं रहस्य काय आहे? उत्तर प्रेम असेल. पण हे बरोबर आहे का? जर तुम्ही जपानी तरुणांना विचाराल, तर कदाचित नाही. जपानी लोकांच्या मते, प्रेम किंवा सेक्स, म्हणजे शारीरिक संबंध, आता आवश्यक राहिलेले नाहीत. अनेक जपानी तरुण आता 'फ्रेंडशिप मॅरेज' निवडत आहेत, ज्यात प्रेम किंवा शारीरिक संबंध नसतात.

जपानमधील मुलं आणि मुली आता पारंपरिक विवाहापासून पळ काढत आहेत. त्यामुळे लोकं हा नवीन ट्रेंड स्वीकारत आहेत. 'कलर्स' नावाच्या एजन्सीनुसार, जपानमध्ये सुमारे 12,40,000 लोकं 'फ्रेंडशिप मॅरेज' मध्ये रस दाखवत आहेत. 'कलर्स' ही 'फ्रेंडशिप मॅरेज'ची व्यवस्था करणारी पहिली आणि एकमेव एजन्सी आहे. साउथ चायना मॉर्निंग पोस्ट (SCMP) मधील एका रिपोर्टनुसार, मार्च 2015 मध्ये सुरू झाल्यापासून या एजन्सीने सुमारे 500 लोकांची 'फ्रेंडशिप मॅरेज' घडवून आणली आहेत. यापैकी काही लोकं पालकही झाले आहेत.

आता प्रश्न असा आहे की, हे तुमच्या बेस्ट फ्रेंडशी लग्न करण्यासारखं आहे का? उत्तर अगदी नाही. साउथ चायना मॉर्निंग पोस्टच्या रिपोर्टनुसार, फ्रेंडशिप मॅरेज हे पारंपरिक लव्ह मॅरेज नाही आणि ते तुमच्या बेस्ट फ्रेंडशी लग्न करण्यासारखंही नाही. 'फ्रेंडशिप मॅरेज' हे एक असं नातं आहे, ज्यात एक मुलगा आणि एक मुलगी एकाच घरात राहतात आणि त्यांचे छंद, तत्त्वं आणि विचार सारखे असतात. अशा नात्यात नवरा-बायको असणं हा एक विधी आहे, कारण त्यांच्यात एकमेकांबद्दल प्रेम नसतं आणि त्यांचे शारीरिक संबंधही नसतात. एकूणच, दोघांवरही एकमेकांवर प्रेम करण्याची किंवा शारीरिक संबंध ठेवण्याची सक्ती नसते. दोघांची इच्छा असल्यास, ते फ्रेंडशिप मॅरेजच्या बाहेरही इतर कोणासोबत रोमँटिक नात्यात राहू शकतात. म्हणजे जोडपं इतर कोणासोबत कुठेही शारीरिक संबंध ठेवू शकतं.

फ्रेंडशिप मॅरेज झाल्यानंतर, जोडपं एकत्र राहायचं की वेगळं, हे ठरवू शकतं. त्यांना मूल हवं असल्यास, ते 'इनसेमिनेशन' सारख्या इतर पद्धतींचा अवलंब करतात. आता प्रश्न असा आहे की, हे कसं काम करतं? लग्न करण्यापूर्वी जोडपं एकत्र जीवन कसं घालवणार, यावर तास-तास किंवा दिवस-दिवस बोलतात. ते अन्नापासून घरकामापर्यंत आणि अगदी रेफ्रिजरेटरमध्ये जागा कशी वाटून घेणार, याबद्दलही बोलतात. जपानमध्ये फ्रेंडशिप मॅरेज म्हणजे असा रूममेट शोधणं, ज्याचे छंद दुसऱ्या व्यक्तीशी जुळतात. फ्रेंडशिप मॅरेज करणाऱ्या लोकांचं वय सुमारे 32 वर्षं असतं. असं म्हटलं जातं की, जे लोकं पारंपरिक विवाहावर विश्वास ठेवत नाहीत, ते फ्रेंडशिप मॅरेज करतात.