Badlapur News : बदलापूरचा कायापालट! बीकेसी धर्तीवर बिझनेस हब; काय आहे सरकारचा मास्टर प्लॅन?

या संकल्पनेची सविस्तर माहिती देण्यासाठी आयोजित पत्रकार परिषदेत अजय ठाणेकर यांनी सांगितले की बदलापूरमधील इतर बांधकाम व्यावसायिकांनीही पुढाकार घेतला तर शहराचा चेहरामोहरा बदलू शकतो. सर्वांनी विकासाचे ध्येय डोळ्यांसमोर ठेवून एकत्र काम केल्यास बदलापूरचा विकास मुंबईच्या धर्तीवर होऊ शकतो असा विश्वास त्यांनी व्यक्त केला.

पुढील पाच वर्षांत ही संकल्पना प्रत्यक्षात आणण्यासाठी स्थानिक प्रशासन आणि स्थापत्य क्षेत्रातील तज्ज्ञांशी चर्चा करून नियोजनबद्ध पद्धतीने काम केले जाणार असल्याचे त्यांनी स्पष्ट केले. मुंबईप्रमाणेच बदलापूर शहराचा अभिमान नागरिकांना वाटावा हाच या उपक्रमामागील प्रामाणिक उद्देश असल्याचे ठाणेकर यांनी सांगितले. या अभिनव संकल्पनेचे शहरात सर्वत्र स्वागत होत असून बदलापूरच्या विकासाच्या दिशेने हे एक महत्त्वाचे पाऊल मानले जात आहे.