KDMC : ठाकरेंचे 11 पैकी 9 नगरसेवक अज्ञातस्थळी, दोघं नॉट रिचेबल, कल्याणमध्ये शिंदेंकडून 'ऑपरेशन' सुरू!

कल्याण : महानगरपालिका निवडणुकीच्या निकालानंतर एकनाथ शिंदे हे पुन्हा एकदा उद्धव ठाकरेंना धक्का द्यायच्या तयारीत आहेत. कल्याण-डोंबिवलीमध्ये शिवसेना ठाकरे गटाकडून निवडून आलेले दोन नगरसेवक शिवसेना शिंदे गटाच्या संपर्कात असल्याची माहिती समोर आली आहे. या दोन्ही नगरसेवकांना त्यांच्या घरी जाऊन ठाकरे गटाचे जिल्हा प्रमुख शरद पाटील यांनी नोटीस दिली आहे. शिवसेना ठाकरे गटाची मंगळवारी गट स्थापन करण्याबाबत बैठक होणार आहे, या बैठकीला उपस्थित राहावं, अशी नोटीस दोन्ही नगरसेवकांना देण्यात आली आहे.