KDMC : मुंबईत बसून राज ठाकरेंनी डाव टाकला, कल्याण-डोंबिवलीमध्ये महायुतीच्या मोहऱ्यांना मनसेचे AB फॉर्म!

कल्याण : महाराष्ट्रातल्या 29 महानगरपालिका निवडणुकीसाठी अर्ज भरण्याची मुदत संपली आहे, पण सगळ्याच राजकीय पक्षांमध्ये अर्ज न मिळालेल्या इच्छुकांची नाराजी पाहायला मिळत आहे. कल्याण-डोंबिवली महानगरपालिकेमध्ये शिवसेना आणि भाजपची युती झाली आहे, पण अर्ज भरून झाले तरी महायुतीमध्ये कोणता पक्ष किती जागा लढत आहे? याबाबतचा गोंधळ अजूनही कायम आहे. बंडखोरी टाळण्यासाठी सगळ्याच राजकीय पक्षांनी जागावाटपाचा फॉर्म्युला जाहीर केला नसल्याची चर्चा आहे.