Crime News : धारदार शस्त्राने सपासप वार, शिवसेना शिंदे गटाच्या नेत्याला जागेवरच संपवलं, महाराष्ट्रातल्या या शहरात काय घडलं?

किरण घोरड हे मामणोली गावात काही कामासाठी आले होते. काम आटोपून ते एका धाब्यावर त्यांच्या सहकाऱ्यांसोबत बसले होते. त्याच वेळी तिथे आणखी एक व्यक्तींचा गट तिथं होता. या गटातील काही व्यक्तींशी किरण यांचे पूर्वीपासून वाद होते. त्यामुळे दोन्ही बाजूंमध्ये वाद पुन्हा सुरू झाला. बोलण वाढत जाऊन परिस्थिती बिघडली आणि सुरु झालेला वाद अचानक मारहाणीपर्यंत पोहोचला. यामध्ये काही व्यक्तींनी किरण यांच्यावर थेट चाकूने हल्ला केला.

हत्येची बातमी समजताच गोवेली आणि मामणोली परिसरात तणाव निर्माण झाला. कोणतीही अनपेक्षित घटना घडू नये म्हणून पोलिसांनी रात्रीच अतिरिक्त बंदोबस्त तैनात केला. नागरिकांमध्ये असंतोष वाढला असून लोकांनी तातडीने आरोपींना अटक करण्याची मागणी केली आहे. काही सामाजिक कार्यकर्त्यांनीही पोलीस ठाण्यात भेट देऊन याबाबत कारवाईची मागणी केली.