विद्येच्या मंदिरात हे चाललंय काय? शाळेत शिक्षकाचं विद्यार्थ्यासोबत अमानुष कृत्य; Shocking Video Viral

सिंधुदुर्गच्या कुडाळ तालुक्यातील हा धक्कादायक प्रकार आहे. शाळेत वर्गात शिक्षक विद्यार्थ्याला अमानुष मारहाण करताना दिसले. शिक्षकांनी विद्यार्थ्याला सुरुवातीला डोक्यावर, नंतर पाठीवर मारलं. पुढे तर त्यांनी हद्दच ओलांडली. त्यांनी विद्यार्थ्याचा गळाच आवळला. हा धक्कादायक प्रकार असून सध्या या त्या शिक्षकाबद्दल तीव्र नाराजी व्यक्त केली जाते आहे.  शिक्षक रागाने त्या विद्यार्थ्याला मारत असून त्या विद्यार्थ्याचा गळादेखील आवळताना दिसत आहे. त्यामुळे शिक्षकावर कारवाईची मागणी सध्या जोर धरू लागली आहे.

रुद्राक्ष जेवण घेण्यासाठी गेला त्यावेळेस त्याच्या हातात दोन लाडू होते. याचा जाब विचारत रुद्राक्षला या शिक्षकाने बेदम मारहाण केली. ललित अहिरे या शिक्षकांनी ही मारहाण केल्याचं प्रत्यक्षदर्शींकडून सांगण्यात आलं आहे. मात्र, रुग्णालयात दाखल झाल्यानंतर शिक्षकांविरोधात तक्रार करू नये म्हणून पीडित विद्यार्थ्याच्या आई वडिलांवर शिक्षकांकडून दबाव आणला जात होता. या सगळ्या धक्कादायक घटनेमुळे शासकीय आश्रम शाळांमध्ये शिकणाऱ्या विद्यार्थ्यांच्या सुरक्षेचा प्रश्न पुन्हा एकदा चव्हाट्यावर आला आहे.

(सूचना - व्हिडीओ संवेदनशील असल्याने तो दाखवण्यात आला नाही.)